Monségur was given a grant of murage dated 12/11/1308.
This was in the form of:-
Wording
142. Pro pueris Arnaldi de Sanx et pro Rege de portis ville de Montsegur reparandis. - Rex dilectis et fidelibus suis Guidoni Ferre, senescallo suo Vasconie, et magistro Jordano Moraunt., constabulario Burd., salutem. Licet nuper vobis mandaverimus quod ballivam de Montsegure Johanni de Tardetz, servienti nostro ad arma, pro tanto censu annuo quantus annuatim nobis tunc pro eadem reddebatur committeretis tenendam de nobis una cum exitibus inde provenientibus, quousque quandam summam pecunie in qua dominus Edwardus, quondam Rex Anglie, genitor noster, Arnaldo de Sanx de Tardetz, fratri predicti Johannis defuncto, que quidem pecunia pueris ejusdem Arnaldi assignatur, ut dicitur, fuerat obligatus, ad opus puerorum predictorum recepisset de exitibus memoratis; vobis nichilominus mandamus quod ballivam illam, si eam prefato Johanni virtute litterarum nostrarum vobis pro ipso super hoc directarum liberaveritis, in manum nostram resumatis et de exitibus inde provenientibus portas dicte ville de Montsegur ad quarum reparacionem et sustentacionem tenemur, sicut vos, prefate senescalle, nobis significastis, reparari faciatis, prout pro securitate ejusdem ville et nostro commodo et honore fore videritis faciendum, et de dicta summa pecunie, si adhuc debeatur vel saltem de eo quod adhuc restat solvendum, prefatis pueris vel predicto Johanni ipsorum nomine de exitibus ducatus predicti satisfieri faciatis juxta ordinacionem de solucionibus hujusmodi debitorum de exitibus ducatus illius faciendis nuper factam. Et nos vobis inde, prefate constabularie, in compoto nostro debitam allocacionem fieri faciemus.
Datum apud Westm, xij die Novembris.
Granted by Edward II. (Regnal year 2). Granted at Westminster.
Details of the petition which resulted in this grant can be seen
at this link. 
Primary Sources
Renouard, Y. (ed), 1962,
Rôles Gascons, 1307-1317 Vol. 4 p. 54 No. 142
online copy
Record created by Philip Davis. This record created 26/09/2009. Last updated on 01/02/2013. First published online 5/01/2013.
