There is associated evidence for murage, dated 8/6/1319, concerning Dublin (a complaint by mayor and commonalty of Dublin).
Wording
Edwardus, Dei gratia, rex Anglie, dominus Hibernie, et dux Aquitanie, thesaurario et baronibus suia de scaccario Dublin salutem. Peticione coram nobis et consilio nostro, ex parte maioris et communitatis civitatis nostre Dublin, exhibita nobis exitit aupplicatum quod cum, de communi consilio terre nostre Hibernie, post aggressum Scotorum, inimicorum et rebellium nostrorum, in eadem, pro salvatione dicte civitatis, ordinatum extitisaet quod si iidem inimici et rebelles nostri dictam civitatem appropinquassent, prefati maior et communitas suburbium ejusdem civitatis, ne prefati inimiciet rebelles nostri in eodem hospitarentur, comburere et prosternere facerent, Et iidem maior et communitas, incessum dictorum inimicorum et rebellium nisi per tres leucas a predicta civitate versus eandem civitatem advertentes, dictum suburbium, quod unacum civitate predicta, pro ducentis marcis, nobis, ad scaccarium nostrum predictum, annuatim reddendis, de nobis ad feodi tirmam tenent; et de quo suburbio redditum ilium, pro maiori parte, levare solebant, pretextu ordinacionis illius, per quatuor partes ejusdem civitatis prostrassent, et combussissent, per quod redditum ilium integraliter nobis solvere non possunt, velimus eis, habita consideracione ad jacturas, non modicas, propriorum reddituum et bonorum suorum, que, preter prostracionem et combustionem predictas, ibidem sustinuerunt, medietatem predicti redditus ducentarum marcarum, vel saltern aliquam partem ejusdem, pro voluntate, nostra, remittere. Nos volentes dicte supplicacioni in hac parte condescendere et, ea occasione, quantum de predicto redditu quern iidem maior et communitas percipere consueverunt per prostracionem et combustionem predictas in eodem, suburbio immunuitur; et si predicte prostratio et combustio, pretextu ejusdem ordinacionis, propter incessum dictorum inimicorum et rebellium nostrorum, facte fuerunt, ut predictum est, an alia de causa, et si alia de causa tunc ex qua causa, et qualiter, et quomodo, volentes per vos plenius cerciorari, vobis mandamus, quod, per sacramentum proborum et legalium bominum, de terra predicta, per quos rei Veritas melius sciri poterit, diligentem super premissis omnibus et singulis, et ea tangentibus, faciatis inquisicionem, et nos inde, sub sigillo scaccarii nostri predicti, distincte et aperte sine dilacione reddatis certiores. Et levacioni medietatis redditus illius usque ad festum Omnium Sanctorum, proximo futurum, supersedeatis, hoc breve nobis remittendo. Teste, meipso, apud Eboracum, octavo die Junii, anno regni nostri duodecimo {1319}. Per peticionem de consilio. Venit hie decimo octavo die Octobris, anno decimo tercio. Pretextu cujus mandati, per ipsum thesaurarium et barones, preceptum fait vicecomiti Dublin quod venire feciat hie, die Mercurii, proxima post octabas Sancti Martini, viginti et quatuor, tarn milites quam alios, etc., per quos, etc.; et qui maiorem et communitatem predictos nulla affinitate, vel alio modo, attingant, ad certificandum prefatos thesaurarium et barones, eta, super premissis, et ad ulterius faciendum, etc.
Ad quem diem juratores venerunt ; et similiter maior et communitas civitatis predicte. Et per ipsum thesaurarium et barones datus est eis hinc inde dies, certis de causis, usque diem Veneris, in festo Sancti dementis, Pape, proximo sequentem, etc.
Ad quem diem juratores, juxta retornum vicecomitis, eta, venerunt hie, et similiter maior et communitas predicti, in quorum presencia prefati thesaurarius et barones, pretextu mandati predicti, processerunt ad inquisicionem super premissis capiendam in forma que sequitur:
Inquisdcio facta coram thesaurario et baronibus de scaccario Dublin, die Veneris, in festo Sancti Clementis, anno regni regis Edwardi, filii regis Edwardi, tertiodecimo, apud Dublin, pretextu brevis ipsius domini, regis, sub sigillo suo Anglie, eisdem thesaurario et baronibus inde directi, ad inquirendum videlicet, quantum de redditu ducentarum {marcarum} quern maior et communitas civitatis Dublin, pro eadem civitate et suburbio civitatis ejusdem, quod ipsi, unacum eadem civitate, pro predictis ducentis marcis, prefato domino, regi, ad scaccarium suum predictum annuatim reddendis de ipso domino, rege, ad feodifirmam tenent; et de quo suburbio redditum ilium pro maiori parte iidem maior et communitas levare solebant, occasione prostracionis et conibustionis quas dicti maior et communitas in eodem suburbio nuper fecerunt, pretextu adventus Scotorum, inimicorura et rebellium domini, regis, versus eandem civitatem in eodem suburbio jam minuitur.
Et {similiter ad inquirendum} si de communi consilio terre Hibernie, post aggressum predictorum Scotorum in eadem, pro salvacione civitatispredicte, ordinatum extiterit quod, si iidem Scoti, iniinici et rebeUes domini, regis, dictam civitatem appropinquassent prefati maior et communitas suburbium civitatis ejusdem, ne predicti Scoti, iniinici et rebelles domini, regis, in eodem hospitarentur, comburere facerent et prosternere. Et si predicte prostracio et combustio, pretextu ordinacionis illius, propter incessum dictorum Scotorum, inimicorum et rebellium domini, regis, versus predictam civitatem peripsos maiorem et communitatem facte fuerunt an aliade causa; et si alia de causa tunc ex qua causa, et qualiter et quomodo, per juratores subscriptos videlicet:
Robertum Bagod, Willielmum Comyn, milites; Ricardum Tirell de Castrocnock, Ririth, filium Jobannis, Ricardum le Blound de Arcloo, Nicholaum de Cruys, Reginaldum de Berneuale, Fromundum le Brun, Willielmum le Chaumberleyn, Robertum de Bristol, Johannem de Kerdiff, Warinum Oweyn, Walterum de Mountgomery, Ricardum de Balytermot, Phillippum de Reynevile, Willielmum de la Felde, Robertum Lengleis, Thoman le Joeuen, Ricardum Talebot de Feldroim, Walterum Fox, Johannem le Hunte, Ricardum de Kisshok, Thomam de Wyooumbe, Robertum de Cruys, Mauricium Prodhome, Ricardum Beg de Tassagard, Robertum Landhary de eadem, Galfridum de Barndwod, et Nicholaum de Callan de eadem.
Qui juratores dicunt super sacramentum suum quod de predicto redditu ducentarum marcarum, quern predicti maior et communitas, pro predicta civitate et ejus suburbio, domino, regi annuatim hucusque solvere consueverunt et quemquidem redditum ducentarum marcarum iidem maior et communitas, pro maiori parte, in predicto suburbio levare solebant, occasione prostracionis et combustionis quas dicti maior et communitas in eodem suburbio nuper fecerunt, pretextu adventus predictorum Scotorum, versus eandem civitatem, minuitur ibidem jam, per annum, c.li.xvii.s. ii.d. qa., preter jacturas non modicas propriorum reddituum civium civitatis predicte, in suburbio predicto, quas, usque ad summam quingentarum marcarum; necnon et preter jacturas, et dampna immensa propriorum bonorum et catallorum civium eorundem in predicto suburbio, que usque ad summam decern mille librarum et amplius, cives predicti, preter prostracionem et combustionem prcdictas in eodem suburbio, occasione prostracionis etcombustionis predictarum, ibidem sustinuerunt, ut dicitur.
Preterea dicunt, super sacramentum suum, quod de communi consilio domini, regis, in Hibernia, post aggressum predictorum Scotorum in eadem terra, pro salvacione predicte civitatis, ordinatum ftiit et concordatum quod si iidem Scoti dictam civitatem appropinquassent prefati maior et communitas suburbium civitatis predicte, ne predicti Scoti in eodemsuburbiobospitarentur, prosternere facerent et comburere.
Dicunt eciam, super sacramentum suum, quod prostracio et combustio predicti suburbii, pretextu ordinacionis predicte propter incessum dictorum Scotorum, quos predicti maior et communitas, tempore prostracionis et combustionis predictarumnisi per duas leucas et dimidium a predicta civitate distare versus eandem advertebant per ipsos maiorem et communitatem pro salvacione civitatis predicte facte fuerunt in eodem suburbio, ne predicti Scoti in eodem suburbio hospitarentur, ut predictum, est, et non ex aliqua alia causa. In cujus rei testimonium buic inquisicioni juratores predicti sigilla sua apposuerunt.
Et sciendum quod prefati thesauiurius et barones predictum breve indorsatum in forma que sequitur, videlicet: Pretextu istius mandati super hiis que in eodem mandato continentur necnon et ea tangentibus diligentem fieri fecimus inquisicionem, quam sub sigillis eorum per quos eadem inquisicio facta fuit huic mandato consutam, vobis mittimus, sub sigillo scaccarii Dublin, secundum tenorem ejusdem mandati.
Et quoad levacionem medietatis redditus civitatis Dublin usque ad diem in mandato isto contentum, supersedimus, prout mandatum istud requirit, etc., unacum inquisicione predicta miserunt domino, regi, in Anglia, secundum tenorem predicti brevis, etc.
Et liberata fuerunt predictis maiori et communitati ad deferenda, etc.
Et quia predictus Eicardus le Blound {de Arclo}, unus juratorum predictorum, antequam sacramentum suum prestitit, etc., pro se allegavit, coram thesaurario et baronibus,hic, etc., quod ipse in inquisicionc hujusmodi sen juratis aliquibus poni non debet, contra voluntatem suam, prout in charta domini, regis, nunc inde sibi confecta et quam inde ostendit in curia, hie, etc., plenius continetur, per ipsos thesaurarium et barones concessum est eidem Bicardo, quod hec ejus prestacio sacramenti in inquisicione predicta non trahatur, de cetero, in consequenciam, nee eidem Ricardo, de cetero, cedat in prejudicium, nee in evacuacionem libertatis sue, quam predictus dominus, rex, ei inde concessit, per chartam suam predictam, contra tenorem charte predicte, coram eisdem thesaurario et baronibus, in scaccario predicto, seu alibi coram eisdem, etc.
Granted by Edward II. (Regnal year 12). Granted at York. Grant by By C..
Primary Sources
Memorandum Roll of Ireland, xiii. Edward ii, in termino 8. Michaelis, m. 3. - "Pro maiore et communitate civitatis Dublin de inquisicions."
Gilbert, J.T. (ed), 1870, Historical and Municipal Documents of Ireland, From the Archives of the City of Dublin &c. 1172-1320 (Rerum Britannicarum Medii Aevi Scriptores - Rolls Series) p. 407-412
Secondary Sources
Thomas, A., 1992, The Walled Towns of Ireland Vol. 2 (Irish Academic Press) p. 79-93
Comments
Edward II. directs his treasurer and barons of exchequer in Ireland to hold inquiry respecting the statements in the petition of the mayor and commonalty of Dublin, praying remission of part of their rent in consideration of losses by having prostrated and burned the suburb on the approach of the Scots; meanwhile to postpone levying the moiety of their rent. The jurors return that the burning and prostration of the suburb were in accordance with the direction of the king's council in Ireland, and executed when the Scots were within two leagues and a half of the city; that hence the rent received by the city from the suburb is diminished annually to the extent of one hundred pounds seventeen shillings and two pence farthing, exclusive of the loss to citizens of private rents from the suburb and their other great damages and expenses to the sum of ten thousand pounds and upwards. The return of the inquisition is sent under the seal of the exchequer to the king, and the levy of the moiety of the rent is deferred, . . . (HMD p. lxxvii)
Mentioned by Thomas and clearly an important account of medieval warfare but the actual city walls do not seem to be mentioned.
Record created by Philip Davis. This record created 31/03/2009. Last updated on 18/01/2013. First published online 9/01/2013.
