There is associated evidence for murage, dated 17/12/1313, concerning Geffrey de Morton.
Wording
A touz ceux qui cestes presentes lettres verrunt ou oirunt, Geffrey de Morton, citein de la cyte de Divelin, saluz en Dieu.
Sache vostre universite qe Ieo, pur diuers trespas fets a la communalte de la dite cyte, doant Ieo estoie aresne, deuaunt Richard Laweles, meyr de la dicte cyte, en plien hundred, homblement me suymis en la grace des ditz meyr et communalte, a fere de ceo les amendes a lur volunte.
Estre ceo, Ieo, le dit Geffrey, pur moy et pur Maud, ma compaigne, reles et quite cleim a les ditz meyr et communalte, et a chescun de la dite communalte, a touz et a chescun de ceux qui ont valu et ayde a la dite communalte encoutre moy, chescune manere de accion de trespas fetz a moy auaunt le fesaunce de cest escrit, horspris accion de teres, tenementz, et de ceo qe apent a fraunk tenement et dettes, couenauntz et acountes.
Eusement, Ieo reles et quite cleim as ditz meyr et communalte chescune manere accion de dette, de acounte, et de couenaunt, qe Ieo ay ou auoie en mon noun, ou en noun Maud, ma feme, come executrice du testament Robert de Bre, iadis sun barun, en quele manere qe ceo seit, sauue accion de teres, tenementz rentes et autres choses qe touchent fraunk tenementz.
Estre les dites choses, Ieo oblige moy et mos heirs, en cink centz marcs dargent a paier a la dite communalte, a lur volunte, si Ieo en nul temps auenir trespasse encontre la dite communalte ou vers nul de la dite communalte, encountre la franchise de la dite communalte; ou les trauaille, ou les face estre trauaillez par moy ou par autre, en blemissement de la dite fraunchise a mon tort, apres ceo qe Ieo le sauray par resnable garnissement ou autrement.
En tesmoignaunce de cestes choses a cestes presentes lettres ay mis mon seal.
Done a Diueline, le Lundy prochein apres la feste Seinte Lucie, virgine, lan du regne le roy, Edward, fiz le roy Edward, septime.
Primary Sources
Gilbert, J.T. (ed), 1870, Historical and Municipal Documents of Ireland, From the Archives of the City of Dublin &c. 1172-1320 (Rerum Britannicarum Medii Aevi Scriptores - Rolls Series) p. 279-80
Secondary Sources
Thomas, A., 1992, The Walled Towns of Ireland Vol. 2 (Irish Academic Press) p. 79-93
Comments
1313. Geffrey de Morton, citizen of Dublin, submits to the grace of the mayor and commonalty, and undertakes to make amends for trespasses on the city for which he was arraigned there before the mayor, Richard Lawless, in full court. Geffrey, on behalf of himself and his wife, Maud, widow of Robert de Bree, releases the mayor, commonalty, and their associates from all actions, and binds himself and his heirs in five hundred marks of silver not to trespass against or trouble the city by encroaching on its rights,
Record created by Philip Davis. This record created 11/02/2009. Last updated on 18/01/2013. First published online 9/01/2013.
